Problemi təyin et, araşdır və çöz. İstənilən yaradıcılıq prosesinin kökündə bu sadə üç addım dayanır. Məhz bu ardıcıllığı özü üçün təməl hərəkət planı təyin edərək 2017-ci ilin Aprel ayında MANARCH memarlıq şirkəti təsis olundu. Memarlıq, interyer və şəhərsalma istiqamətlərində verdiyi həllərin üsul fərqliliyinə baxmayaraq, bütün hallarda şirkətin insan və ətraf mühitə ayırdığı dəyər, dəyişməz qalır. Biz inanırıq ki, insanın yaşadığı mühit onun formalaşmasına bir başa təsir edir. Memarlıq bu mənada unikal bir alət olaraq, ayırılıqda fərdlərin və ya geniş mənada icmaların formalaşmasına müsbət təsir göstərə bilər.